GAIKER

GAIKER ikerketa aplikatuan diharduen zentro teknologiko bat da. Zentroaren forma juridikoa irabazi-asmorik gabeko fundazio pribatuarena da, eta garapen teknologiko jasangarrian eta enpresa-sarearen lehiakortasunaren hobekuntzan laguntzea du helburu nagusi. 1985. urtean sortu zenetik, proiektuen garapena eta enpresentzako soluzio teknologiko berritzaileen balioa agerian jartzeko lana izan ditu ardatz GAIKER zentroaren I+G+Bko jarduerak. Zentroaren espezializazio-arloak honako hauek dira: bioteknologia, material plastiko eta konposatuen bizi-ziklo osoa, polimero funtzionalak eta jasangarriak, eta birziklatze-teknologiak eta ekonomia zirkularra.

GAIKER zentroaren eginkizun nagusia enpresen barne-gaitasunak garatzeko zein enpresei teknologia transferitzeko I+G proiektuak egitea bada ere, horrez gain zerbitzu teknologiko aurreratuak ematen ditu, eta hirugarrenentzako analisiak eta saiakuntzak egiten ditu beren espezializazio-lerroetan. Gaur egun, zentroa 90 pertsonako talde batez osatuta dago, eta bere lanaren kalitatea bermatzen duten akreditazioak eta ziurtagiriak ditu.